6 “You to nazugua mburuguuŋ pataŋani izi pa avaramim, ve nagham gham atemim izi pa badooŋ mbeb.
7 Muuŋ, yam aneep ila pataŋani tiina lolo, ve ataŋ roran ghou pa nauul gham. Ve you nalooŋ taŋiiz tiam, ve napas gham avot pa pataŋani tiam. You nayooŋ ila yaghur tae asosooŋa to lalaav avolutu ivotvot pani, ve napamuul aliŋamim. Ve natoov gham izi ya dige to ndug Meriba.
8 Yam tamtoghon tiou, alooŋ saveeŋ ariaŋa to naghaze nasavia payam. Yam Israela, aghur taliŋamim pa aliŋag tonene ve ataghoni, ghoro poia!
9 Maaron ite paam ineep ila lolomim ve ambees pani malep. You moghon, ghoro ambees payou. Tovenen aput aghemim pa maaron kaaromŋa to ndug pida malep.
10 Pasa, you Yoova to Maaron tiam. You to nagham gham apul Isip. You nasaav payam naghaze: Akaak avomim tiina. Leso napavonini pa mbeb popoiadi.