Mbouŋ to Yes Israela 78:67-72 in Mutu

⁶⁷ Maaron ipul muri pa Yosep papaghu toni. Ve ina to nepooŋ paam, ineep toman di muul maau. Irau igham yes Epraima pa uraat tiina eta muul maau.

⁶⁸ Ve isia rumai to Yuda, leso tigham pooz pa tamtoghon toni. Ve igham lolooz Zion inim le. Lolooz tonowen, ye lolo pani kat.

⁶⁹ Ye irei rumai toni patabuaŋ izala, leso inim ina to nepooŋ. Rumai tonowen iyaryaaŋ kat inimale sambam. Pale iyoon tuŋia tovene itaghoni taghoni gha ila, inimale taan to ye ighuri.

⁷⁰ Ve isia mbesooŋa toni David inim kinik. David iŋginŋgin sipsip ila sirsiir lolo, ve Maaron ighami pa uraat toni.

⁷¹ Ye mata pa sipsip nditinandi toman ndinatudi to tighunghun tuz, ve Maaron ighami inim ŋginiiŋ pa yes Israela to Yakop papaghu toni.

⁷² Tovenen David iŋgin di itaghon ŋgar deŋia, ve igham pooz padi pooi.

⁶⁷ Maaron ighur muuri pa Yosep paaghu tooni. Ve niia to lepoogh paam, igheen tomani zi muul mako. Irau igham yes Epraima pa uraat tiina eta muul mako.

⁶⁸ Ve isiigh rumei to Yuda, leso tigham pooz pa tamtamon tooni. Ve igham loloz Zion imin i le. Loloz tawe, i loolo pani kat.

⁶⁹ I irau rumei tooni patabuyaaŋ izala, leso imin niia to lepoogh. Rumei tawe iyaryaaŋ kat imin sambam. Pale iyooz tuŋia tauvene taghon taghon gha ila, imin taan tau i ighuru na.

⁷⁰ Ve i isiigh besooŋa tooni David to imin kinik. David iŋginŋgin sipsip ila olol loolo, ve Maaron ighuru pa uraat tooni.

⁷¹ I maata pa sipsip tinazŋa tomania natuzŋa tau tighunghun tuz na, ve Maaron ighamu imin ŋginiiŋ to yes Israela tau Yakop paaghu tooni na.

⁷² Tauvene David iŋgin zi itaghon ŋgar duduuŋa, ve igham pooz pazi poi.