21 Yoova ilooŋ saveeŋ todi tonowen, le ipas ate. Tovenen igham yab izi ighan Yakop papaghu toni. Ate yabyab kat pa yes Israela, ve iwaghamun di.
22 Pasa, yes tighur ila toni maau. Tinumeera tighaze tapiri irau iuul di ne maau.
23 Tovenen Maaron isaav ariaŋa, ve ataam to sambam paroŋania ikaak,
24 ve igham aniiŋ manna izi padi. Ye igham aniiŋ to sambam padi leso tighan.
25 Onoon kat, tamtoghon tighan aniiŋ to yes aŋela. Maaron igham adi aniiŋ katindi, ve tighan le isooŋ di.
26 Ghoro ipamundigin yaghur ghaughauru inim. Tau tapiri igham yaghur tiina imundig pa rag pughu.
27 Ve igham man katindi tiroov tinim, ve titaptap tizi ndug to tinepneep pani. Man tonowen, sorok maau. Yes tinimale magargaar to naari.
28 Maaron igham di titaptap tizi ndug to tamtoghon toni tinepneep pani, le tiluvut mbeez todi.