Mbouŋ to Yes Israela 78:21-28 in Mutu

²¹ Yoova ilooŋ saveeŋ todi tonowen, le ipas ate. Tovenen igham yab izi ighan Yakop papaghu toni. Ate yabyab kat pa yes Israela, ve iwaghamun di.

²² Pasa, yes tighur ila toni maau. Tinumeera tighaze tapiri irau iuul di ne maau.

²³ Tovenen Maaron isaav ariaŋa, ve ataam to sambam paroŋania ikaak,

²⁴ ve igham aniiŋ manna izi padi. Ye igham aniiŋ to sambam padi leso tighan.

²⁵ Onoon kat, tamtoghon tighan aniiŋ to yes aŋela. Maaron igham adi aniiŋ katindi, ve tighan le isooŋ di.

²⁶ Ghoro ipamundigin yaghur ghaughauru inim. Tau tapiri igham yaghur tiina imundig pa rag pughu.

²⁷ Ve igham man katindi tiroov tinim, ve titaptap tizi ndug to tinepneep pani. Man tonowen, sorok maau. Yes tinimale magargaar to naari.

²⁸ Maaron igham di titaptap tizi ndug to tamtoghon toni tinepneep pani, le tiluvut mbeez todi.

²¹ Yoova ilooŋ saveeŋ toozi tawe, le ipas aate. Tauvene igham yav izi ighan Yakop paaghu tooni. Aate yavyav kat pa yes Israela, ve ivaghamun zi.

²² Pasaa, yes tighur ila tooni mako. Tinumeer tighe tapiri irau iuul zi ne mako.

²³ Tauvene Maaron isaav ariaaŋ, ve ataman to sambam saamba ikaak,

²⁴ ve igham aniiŋ manna izi pazi. I igham aniiŋ to sambam pazi leso tighan.

²⁵ Onoon kat, tamtamon tighan aniiŋ to yes aŋela. Maaron igham lezi aniiŋ katini, ve tighan le isooŋ zi.

²⁶ Ra ipaburigin yaghur kaaguragh ilam. Tauu tapiri igham yaghur tiina izaa pa ragh puughu.

²⁷ Ve igham man umbaal tiroov tilam, ve titaptap tizi nugh tau tilepleep pani na. Man tawe, sorok mako kat. Yes timin sausau to nari.

²⁸ Maaron igham zi titaptap tizi nugh tau tamtamon tooni tilepleep pani na, le tilivutin balbaal toozi.