7 Maaron moghon, to igham tamtoghon izadi tivot tinim tiina. Pasa, ye to iŋgagabiiz tamtoghon ve ighurghur atia padi. Tamtoghon pida, ye itatan di. Ve pida, ye ipakur di le izadi tintina.
8 Yoova ikis rubruub eez ila nima. Rubruub tonowen ivon pa vaen ariaŋa. Vaen tonowen, nene mbalmbali toni. Ndiran samsamia to tineep izi taan, ye pale iliŋ vaen tonowen, ve ipaghun di pani, le tisob tighun suvuni. Ŋgiira to ineep ila rubruub mbole, pale tighuni paam.
9 Eemoghon you navovotia uraat tintina to Yoova irau sawa isob. Pale namboumbou, ve napapait Maaron to Yakop iza.