Mbouŋ to Yes Israela 6:3-9 in Mutu

³ Yoova, lolog ipataŋan kat. Pale upul ghou tovene ila ila le ŋeez o isob?

⁴ Yoova, lolom ineep tuŋia ila to tamtoghon tiom ve uluul di. Tovenen matam iŋgal ghou muul, ve upas ghou navot pa pataŋani tonene. Ugham mulin ghou lak.

⁵ Pasa, mateeŋa irau matadi iŋgal ghom muul maau. Sei to pale ighengheen ila naal ve ipait ghom? Maau.

⁶ You nayakyak le tapirig isob. Mboŋ to naol ne, nataŋtaŋ le matag suru ipot ila moogh tiou.

⁷ Lolog ipataŋan kat ve nataŋ tiina le matag isarsar. Pasa, koiagŋa katindi.

⁸ Yam ndiran to aghamgham ŋgar samsamia, asob aghau payou! Pasa taŋiiz tiou, Yoova ilooŋa wa.

⁹ You nataŋ roran Yoova pa ulaaŋ, ve ilooŋ suŋuuŋ tiou. Ghasoniiŋ tiou, ye pale iyok pani.

³ Yoova, lolog ipataŋan kat. Pale upul ghau tauvene ila ila le ŋeez o isov?

⁴ Yoova, yo lolom isaghav tamtamon tsio ariaaŋ ve uluul zi. Tauvene matam iŋgal ghau muul, ve upas ghau navot pa pataŋani tane. Ugham mulin ghau lak.

⁵ Pa mateegha irau matazi iŋgal ghom muul mako. Sei ta pale ighengheen ila naal ve ipait ghom? Mako.

⁶ Yau nayakyak le tapirig isov. Mboŋ ta naol ne, nataŋtaŋ le matag suuru ipot ila moogh tsiau.

⁷ Lolog ipataŋan kat ve nataŋ tiina le matag isarsar. Pasaa, koiagŋa katini.

⁸ Yam zeran tau aghamgham ŋgar sasaghati na, asov aghau payau! Pa taŋiiz tsiau, Yoova ilooŋa wa.

⁹ Yau nataŋ rarai Yoova pa uleeŋ, ve i ilooŋ suŋuuŋ tsiau. Ghasoniiŋ tsiau, i aat iyok pani.