Mbouŋ to Yes Israela 69:28-32 in Mutu

²⁸ Umus izadi pa rau to nepooŋ mataad yaryaara. Rau to tamtoghon deŋiadi izadi tineep ila, ndiran tonowen izadi ila toman di malep.

²⁹ O Maaron, aazne nambaad pataŋani ve nayamaan yabyabuuŋ tiina. Tovenen unum uul ghou. Uŋguaaz ghou nazala sala. Leso naneep pooi.

³⁰ You pale nambou ve napait Maaron iza. Pasa, ye igham lolog poia kat. Tovenen you naghaze napaiti.

³¹ Ŋgar tovene, nene igham Yoova lolo poia kat le ilib pa makau katindi to tighamgham di pa watooŋrau.

³² Yes to tinumeer Maaron ve timbadbaad pataŋani, ighaze tighita Maaron iuul ghou, nene pale tinidi iza. Ve yes to tizuaria di pa Maaron ne paam. Ighaze tighita ulaaŋ to ye igham payou, nene pale ipalot di.

²⁸ Umus ezazi pa rau to lepoogh maata yaryaare. Rau tau zeran duduŋazi ezazi igheen ila na, yes tawe ezazi ila tomani zi sov.

²⁹ O Maaron, aazne nabaad pataŋani ve nayamaan yavyavuuŋ tiina. Tauvene ulam uul ghau. Uŋguaaz ghau nazala saaŋa. Leso naleep poi.

³⁰ Yau aat nambou ve napait Maaron eeza. Pasaa, i igham ghau lolog poia kat. Tauvene yau naghe napakuru.

³¹ Ŋgar tauvene, ene igham Yoova loolo poia kat le iliiv makau katini tau tighamgham zi pa watooŋrau na.

³² Yes tau tinumeer Maaron ve tibadbaad pataŋani na, isaav ighe tighita Maaron iuul ghau, ene pale tintinizi. Ve yes tau tizuzuari zi pa Maaron na paam. Ighe tighita uleeŋ tau i igham payau ne, ene pale ipalot zi.