Mbouŋ to Yes Israela 66:2-9 in Mutu

² Ambou ve apait iza pa tapiri ve poia toni. Apaiti kat pasa, ye iza tiina.

³ Asaav pa Maaron aghaze: “Uraat tintina to yom ughamgham di, tamtoghon tighita di le timatughez. Pasa, tapirim tiina le tiina kat. Tauto koiamŋa timatughez payom kat, ve tiput aghedi ila naghom, ve titaŋroran ghom tighaze lolom isamin di.

⁴ Ve yes moghon maau. Tamtoghon to tineep tirau taan isob, pale tiput aghedi payom, ve timbou ve tipait ghom. Lolodi poia ve timbou tapiridi pa tipait izam.”

⁵ Anim aghita uraat to Maaron ighami. Ye igham uraat tintina pa iuul tamtoghon. Uraat tonowen tipatooŋ katin tapiri. Tauto tamtoghon tighita di, le matughezaaŋ tiina igham di.

⁶ Muuŋ, ye ivalag te, le pida ila pa ŋas, pida ila pa waan, ve taan mamaasa ivot. Tauto nditimbuud tilaagh titaghoni, ve tivool tila pa dige ite. Tovenen iit lolood poia, ve tiniid iza pa ŋgar to ye igham padi tonowe.

⁷ Ye tapiri tiina kat. Pale igham pooz itaghoni taghoni gha ila. Moghon moghon, ye mata pa tamtoghon to ndug ndug, ve iŋgagabiiz di. Tovenen yam ndiran to zoraaŋ saveeŋ, azoor pooz toni muul malep. Aneep ila samba.

⁸ Yam ndug ndug, apait Maaron tiei pa poia toni. Apaiti toman aliŋamim tiina, leso tamtoghon tilooŋ paitooŋ tiam.

⁹ Pasa, ye to ikiskis ghiit taneep mataad iyaryaar. Ve ye iŋginŋgin ghiit, tauto tatap maau, ve tayoon ariaŋa.

² Ambou ve apait eeza pa tapiri ve poia tooni. Apakuru kat, pa i eeza tiina.

³ Asaav pa Maaron aghe: “Uraat tintiina tau yo ughamgham zi na, tamtamon tighit zi le tiroi. Pasaa, tapirim tiina le tiina kat. Tauta koiamŋa tiroi payo kat, ve tiput aghezi ila naghom, ve titaŋ rarai ghom tighe lolom isaghatin zi.

⁴ Ve yes mon mako. Tamtamon tau tileep irau taan isov, pale tiput aghezi payo, ve timbou ve tipakur ghom. Lolozi poia kat ve timbou to tipait ezam.”

⁵ Alam aghita uraat tau Maaron ighamu na. I igham uraat tintiina to iuul tamtamon. Uraat tawe itotoi katin tapiri. Tauta tamtamon tighita, le roiŋ tiina igham zi.

⁶ Muuŋ, i ivalagh te le sirivu ila pa ŋas, sirivu ila pa tapir, ve taan mamaasa ivot. Tauta timbuunŋa tilaagh taghoni, ve tila tivool pa ziige ite. Tauvene iit loloon poia ve tintiniin pa ŋgar tau i igham pazi ta sewe.

⁷ I tapiri tiina kat. Pale igham pooz taghon taghon gha ila. Saawe isov, i maata pa tamtamon to nughmariŋ, ve igagabiiz zi. Tauvene yam to zoraaŋ saveeŋ, azoor pooz tooni muul sov. Aleep ila i saamba.

⁸ Yam nugh nugh, apait Maaron tsiei pa poia tooni. Apakuru toman aliŋamim tiina, leso tamtamon tilooŋ paitooŋ tsiam.

⁹ Pa i ta ikiskis ghiit taleep mataan yaryaare. Ve i iŋginŋgin ghiit, tauta tatap mako, ve tayooz tuŋia.