Mbouŋ to Yes Israela 64:4-9 in Mutu

⁴ Yes tiyoŋyooŋ, ve tisasaŋan yes to ledi sosor maau. Ve sawa to tila tivot, ghoro rikia ve tivaneg di. Pasa, yes timatughez pa mbeb eta maau.

⁵ Yes tipapazaagh taudi pa ghamuuŋ ŋgar samia. Ve tiwasavon di pa sa ndug to pale tiŋgooz liis todi pani, leso tisavag tamtoghon. Ve tisaav tighaze: “Ŋgar to taghaze taghami, sei pale iwatagi?”

⁶ Yes tikaal ataam pa ŋgar samia to tighaze tighami, ve tipait taudi tighaze: “Yei niraua kat pa ŋgar. Tovenen ŋgar to nighaze nighami, nene pale ighur.” Oyai, iit tamtoghon, taŋgooz ŋgar samsamia naol ila lolood!

⁷ Eemoghon Maaron pale ivaneg di pa pane natu toni. Pale rikia moghon ve iwaghamun di.

⁸ Saveeŋ samsamia to ivotvot ila avodi, nene pale imuul pa taudi ve iwaghamun di. Ŋgar to Maaron ighaze igham padi, tamtoghon pale tighita, ve tililiit dabadi ve tiveleg di.

⁹ Ŋgar to Maaron igham padi, nene pale igham tamtoghon tisob timatughez, ve tigham ŋgar tiina pani, ve tisavia varu.

⁴ Yes tiyoŋyooŋ, ve tisasaŋan yes tau lezi sosor mako na. Ve saawe tau tilam peria, mako rekia ve tivanegh zi. Pasaa, yes tiroi pa gabua eta mako.

⁵ Yes tipapazaagh tauzi pa ghamuuŋ ŋgar sasaghati. Ve tivasavo zi pa nugh sindei tau pale tiŋgooz liis toozi pani ve tisaghav tamtamon. Ve tighe: “Ŋgar tau taghe taghamu ne, sei pale iwataghi?”

⁶ Yes tiil eez pa ŋgar saghati tau tighe tighamu, ve tipait tauzi tighe: “Yei nirau kat pa ŋgar! Tauvene ŋgar to nighe nighamu, ene pale ighur.” Oyai, iit tamtamon, taŋgooz ŋgar sasaghati naol ila loloon!

⁷ Eemon Maaron pale ivanegh zi pa paneegh tooni natŋa. Pale rekia mon ve ivaghamun zi.

⁸ Saveeŋ sasaghati tau ivotvot ila avozi, ene pale imuul pa tauzi ve ivaghamun zi. Ŋgar tau Maaron pale igham pazi na, pale tamtamon tighita, ve tililiit dabazi pazi ve tivelegh zi.

⁹ Ŋgar tau Maaron igham pazi na, ene pale igham tamtamon tisov tiroi, ve tigham ŋgar tiina pani, ve tisavia vaaru.