Mbouŋ to Yes Israela 56:1-6 in Mutu

¹ O Maaron, you mbesooŋa tiom. Lolom isamin ghou, ve uul ghou lak! Pasa, koiagŋa tinanaan ghou ne. Mboŋ ve ndag, tamtoghon tizuaria di tighaze le titatan ghou.

² Sawa isob, yes to tiŋgal saveeŋ payou ne, tighamgham lilin ghou tighaze tirab ghou namaat. Yes to tighamgham malmal payou ne, ival kat.

³ Maaron, yom Maaron Tiina To Ulib Pa Ndimaronŋa Tisob. Sawa to matughezaaŋ tiina igham ghou, you pale nanumeer ghom.

⁴ You napait Maaron pa saveeŋ mbuaaŋ toni, ve naghur ila toni ariaŋa. Irau namatughez maau. Pasa, tamtoghon to taan tapiridi ineep sine, leso tiwaghamun ghou? Maau.

⁵ Saveeŋ tiou, nene poia. Eemoghon moghon moghon, to mboŋmaagh ila le rabrab izi, koiagŋa titortoor aliŋag muul inim saveeŋ samia. Ve tikalkaal ataam tighaze le tiwaghamun ghou.

⁶ Tilup di, ve tindaŋgat ghou pa laghooŋ tiou, ve tisasaŋan tighaze tirab ghou namaat.

¹ Mbouŋ to David Mbouŋ tane iŋarui saawe tau yes Pilistia tikis David izi nugh Gat. Aliiŋa tauvene: ‘Mbuun tau ileep nugh malau ve ineneeŋ mon.’ O Maaron, yau besooŋa tsio. Lolom isaghatin ghau, ve uul ghau lak! Pa koiagŋa tinanaan ghau ne. Mboŋ ve mataaz, tamtamon tizuari zi tighe le titatan ghau.

² Saawe isov, yes tau tiŋgalŋgal saveeŋ payau ne, tighamgham lilin ghau tighe tirav ghau namaat. Yes tau tighamgham malmal payau ne, eval kat.

³ Maaron, yo Maaron Tiina Tau Uliiv Zimaronŋa Tisov. Saawe tau roiŋ tiina igham ghau, yau aat nanumeer ghom.

⁴ Yau napakur Maaron pa saveeŋ mbuaaŋ tooni, ve naghur ila tooni ariaaŋ. Irau naroi mako. Pasaa, tamtamon to taan tapirizi igheen sindei, leso tivaghamun ghau? Mako.

⁵ Saveeŋ tsiau, ene poia. Eemon saawe isov, ta mboŋoozo ila le ravrav izi, koiagŋa titortoor aliŋag muul imin saveeŋ saghati. Ve tiliil eez tighe le tivaghamun ghau.

⁶ Tilup zi ve tipapadeu pa laghooŋ tsiau, ve tisasaŋan tighe tirav ghau namaat.