Mbouŋ to Yes Israela 54:1-6 in Mutu

¹ O Maaron, yom izam tiina pa tapirim ve poia tiom. Uvool tiou ve upas ghou navot pa pataŋani tiou tonene! Upatooŋ tapirim pa koiagŋa, ve ugham mulin ghou ila nimadi. Leso upaghazoŋan ghou ila tamtoghon matadi ughaze you nagham sosor eta maau.

² Maaron, ughur taliŋam pa suŋuuŋ tiou. Ulooŋ aliŋag tonene ve uul ghou.

³ Pasa, ndiran samsamia to ndug mala tinim tipamundigin malmal payou. Yes to tizuaria di tighaze tirab ghou namaat, tamtoghon timatughez padi. Pasa, lolodi isamin tamtoghon rita maau. Yes tipapait taudi, ve matadi iŋgal Maaron rita maau.

⁴ Eemoghon Maaron, ye Ulaaŋa tiou. You naneep ila Tiina tiou nima, tauto aazne naneep matag iyaryaar.

⁵ Ŋgar samia to koiagŋa tigham payou ne, upamuula imuul ila pa taudi. Upasob di le tisob kat itaghon saveeŋ mbuaaŋ tiom.

⁶ Yoova, yom poiam kat! Tovenen lolog poia payom, ve naghaze nagham watooŋrau pa napait izam.

¹ Mbouŋ to David Mbouŋ tane iŋarui saawe tau tamtamon to nugh Zip tila to Saul, ve tipaes pani tighe David iyoŋyooŋ ila sosozi. Ŋeer tau imuuŋ pa mbouŋ na, aat isaav pa tamtamon to tirav gita ve timbou mbouŋ tane O Maaron, yo ezam tiina pa tapirim ve poia tsio. Uvool tsiau ve upas ghau navot pa pataŋani tsiau tane! Utotoi tapirim pa koiagŋa, ve ugham mulin ghau ila nimazi. Leso upaghazoŋai ghau ila tamtamon matazi ughe yau nagham sosor eta mako.

² Maaron, ughur taliŋam pa suŋuuŋ tsiau. Ulooŋ aliŋag tane ve uul ghau.

³ Pa zeran sasaghati to nugh malau tilam tipaburigin malmal payau. Yes tau tizuari zi pa ravuuŋ ghau namaat ne, tamtamon tiroi pazi. Pasaa, lolozi isaghatin tamtamon rigta mako. Yes tipapakur tauzi, ve matazi iŋgal Maaron mako.

⁴ Eemon Maaron, i Uleeŋa tsiau. Yau naleep ila Tiina tsiau niima, tauta aazne naleep matag yaryaare.

⁵ Ŋgar saghati tau koiagŋa tigham payau ne, upamuule ila pa tauzi. Upasov zi le tisov kat itaghon saveeŋ mbuaaŋ tsio.

⁶ Yoova, yo poiam kat! Tauvene lolog poia payo, ve naghe nagham watooŋrau to napait ezam.