Mbouŋ to Yes Israela 4:2-7 in Mutu

² Oyai, yam to atatan ghou ve awaghamun izag, ŋeez o apul ŋgar tiam tonanan? Yam aghur lolomim pa ŋgar soroksorok to le anoŋa maau, ve ataghon ŋgar kaarom. Ŋeez o apuli?

³ Yam awatag: Yes to lolodi ineep tuŋia ila to Yoova ve titaghon ataam toni, ye isia di tinim le wa. Tovenen sawa to you nataŋ rorani, ye pale ighur taliŋa payou.

⁴ Amatughez pa Maaron, ve agham sosor muul malep. Sawa to yam aneep ila inamim to ghenooŋ, neneeŋamim, ve matamim iŋgal taumim ve agham ŋgar pooi pa saveeŋ tonene.

⁵ Anumeer Yoova ve agham watooŋrau pani toman lolomim. Leso watooŋrau tiam deŋia ila mata.

⁶ Tamtoghon naol tikausim tighaze: “Oyai, ŋeez o tagham nepooŋ poia!” Eemoghon you naghaze: “Yoova, lolom poia payei, ve upatooŋ taum payei.”

⁷ Yom ugham ghou tinig iza ve lolog poia kat, ilib pa yes to aniiŋ ve vaen anoŋa katindi tivotvot ila uum todi.

² Oyai, yam tamtamon tau atatan ghau ve avaghamunia ezag na, ŋeez o apul ŋgar tsiam tana? Yam aghur lolomim pa ŋgar soroksorok tau le anooŋa mako na, ve ataghon ŋgar karom. Ŋeez o apuli?

³ Yam awatagh: Yes tau lolozi isaghav Yoova ariaaŋ ve titaghon eez tooni na, i isiigh zi timin i tauu le wa. Tauvene saawe tau yau nataŋ raraini, i aat ighur taliiŋa payau.

⁴ Aroi pa Maaron, ve agham sosor muul sov. Saawe tau yam aleep ila niamim to ghenooŋ, aneneeŋ, ve matamim iŋgal taumim, ve agham ŋgar poi pa saveeŋ tane.

⁵ Anumeer Yoova ve agham watooŋrau pani toman lolomim. Leso watooŋrau tsiam iduduuŋ ila i maata.

⁶ Tamtamon naol tipasawal tighe: “Oyai, ŋeez o tagham lepoogh poia!” Eemon yau naghe: “Yoova, lolom poia payei, ve utotoi taum payei.”

⁷ Yo ugham ghau tintinig ve lolog poia kat, iliiv yes tau aniiŋ ve vaen anooŋa katini tivotvot ila uum toozi.