Mbouŋ to Yes Israela 49:9-16 in Mutu

⁹ Tovenen mbaliiŋ toit eta irau ipoon ghiit pa mateeŋ maau. Mbeb eta to taan irau igham ghiit taneep le alok ne maau. Maau kat!

¹⁰ Iit taghita yes ŋgara timatmaat tinimale yes kankanooŋa to ledi ŋgar maau ne. Ve sawa to timaat, yes pale tipul mbeb todi tisob tizi tineep, ve mbeb tonowen tinim tamtoghon pida ledi.

¹¹ Sawa to tineep matadi iyaryaar, yes izadi tintina. Pasa, ledi taan tiina ve mbeb katindi. Eemoghon sawa to timaat, naal to inim ledi inadi irau sawa isob.

¹² Tovenen ighaze tamtoghon eta iza tiina, ve le mbeb popoia katindi, nene poia. Eemoghon mbeb toni irau ipaghau mateeŋ pani ne maau. Pale ineep rismoghon, ve isob. Ye pale imaat ve ilale, inimale ŋgavuun ve ŋgai.

¹³ Nene ataam to yes to tigham ŋgar to borouŋa, ve tipakur di pa mbeb todi. Aghita ŋgar to ivotvot padi ve yes to lolodi pa saveeŋ toman ŋgar todi, ghoro aghilaal.

¹⁴ Yes tinimale sipsip to timbit di leso tirab di. Mateeŋ pale inim ŋginiiŋ padi, ve iweu di tizila ndug to mateeŋa, ve patudi imbuuz tonowe. Ve mboŋmaagh, ghoro ndiran deŋiadi pale tighita di, ve lolodi poia.

¹⁵ Eemoghon you, ndug to mateeŋa le tapiri irau ikis ghou maau. Pasa, Maaron pale igham mulin ghou pa mateeŋ. Pale ipas ghou navot pa mateeŋ, ve igham ghou nala yeru nineep.

¹⁶ Tovenen ighaze tamtoghon eta indou le mbaliiŋ, ve mbeb popoia katindi tivon ila ruum toni, ugham ŋgar naol pani malep.

⁹ Tauvene kuaz toit eta irau ipoon ghiit pa mateegh mako. Gabua eta to taan irau igham ghiit taleep le alok ne mako. Mako kat!

¹⁰ Iit taghita yes ŋgara timatmaat raraate imin yes kankanooŋa tau lezi ŋgar mako na. Ve saawe tau timaat, yes pale tipuliir gabua toozi naol isov izi ileple, ve gabua tawe imin tamtamon siriv lezi.

¹¹ Saawe tau tileep matazi yaryaare, yes ezazi tintiina. Pasaa, lezi taan tiina ve gabua katini. Eemon saawe tau timaat, naal toozi imin lezi niazi irau saawe.

¹² Tauvene isaav ighe tamtamon eta eeza tiina, ve le gabua popoia katini, ene poia. Eemon gabua tooni irau ipaghau mateegh pani ne mako. Pale ileep rigmon, ve isov. Pale imaat gha ilale, raraate imin ŋgavuun ve ŋgai.

¹³ Ene eez to yes tau tigham ŋgar to borauŋa ve tipakur zi pa gabua toozi. Aghita ŋgar tau ivotvot pazi ve yes tau titaghon zi pa ŋgar toozi, o aghilaal.

¹⁴ Yes timin sipsip tau timbit zi pa ravuuŋ zi. Mateegh pale imin ŋginiiŋ pazi, ve igherev zi gha tizila mateegha niazi, ve patazi imbuuz ta sewe. Ve mboŋoozo, mako zeran duduŋazi pale tighit zi ve lolozi poia.

¹⁵ Eemon yau, nugh to mateegha le tapiri to ikis ghau mako. Pasaa, Maaron pale igham mulin ghau pa mateegh. I pale ipas ghau pa mateegh, ve igham ghau nala yeiru nileep.

¹⁶ Tauvene isaav ighe tamtamon eta indoundou le kuaz, ve gabua popoia katini ivon ila ruum tooni, na ugham ŋgar naol pani sov.