Mbouŋ to Yes Israela 48:10-14 in Mutu

¹⁰ Maaron, varum ilaan irau taan dige to naol ne. Tauto ndug ndug tipapait izam. Yom upatooŋ tapirim, leso upalot ŋgar deŋia.

¹¹ Gabizooŋ tiom, nene deŋia moghon. Tovenen tamtoghon tisob to ndug Zion, toman ndug ndug to Yudea ne lolodi poia kat, ve tinidi iza.

¹² Yam amundig ve alaghlaagh ila ndug Zion lolo. Ala aghita didiiŋ ariaŋa to iluvut ndug ne.

¹³ Anin ruum dabadi mamala to yes ndaaba tiyondyood izala, ve matadi ilala pa koiadi. Ve matamim ila pa ruum ariaŋadi to ndaaba tiyooŋ ila ve tigham malmal. Leso yam irau asavia ndug tonene pa papaghu tiam to muri pale tivot.

¹⁴ Pale asaav padi tovene: “Maaron toit, ye ariaŋa inimale ndug Zion. Ye ineep irau sawa isob. Ve ye pale imuuŋ pait, ve ipatooŋ ataam pait itaghoni taghoni gha ila.”

¹⁰ Maaron, varum ilaan irau taan ziige ta naol ne. Tauta nughmariŋ tipapait ezam. Yo utotoi tapirim, leso upalot ŋgar duduuŋa.

¹¹ Gabizooŋ tsio, ene iduduuŋ mon. Tauvene tamtamon tisov to nugh Zion, tomania nugh nugh to Yudea lolozi poia kat ve tintinizi.

¹² Yam aburig ve alaghlaagh ila nugh Zion loolo. Ala aghita didiiŋ ariaaŋa tau ilivut nugh na.

¹³ Anin ruum dabazi mamalaua tau yes zaaba tiyozyooz ila to tiyeel koiazŋa. Ve matamim ila pa ruum ariaŋazi to zaaba tiyooŋ ila ve tigham malmal. Leso yam aat asavia nugh tane pa paaghu tsiam tau pale tivot murei.

¹⁴ Pale asaav pazi tauvene: “Maaron toit tane, i ariaaŋa imin nugh Zion. I ileep irau saawe. Ve i pale imuuŋ pait, ve itotoi eez pait taghon taghon gha ila.”