Mbouŋ to Yes Israela 46:4-10 in Mutu

⁴ Maaron Tiina To Ilib Pa Ndimaronŋa Tisob Ne, ndug toni patabuaŋ, ye le ya to moghon moghon irereer. Ya tonowen igham tamtoghon to ndug toni tineep pooi toman tinidi iza.

⁵ Maaron inepneep ila ndug tonowen ve iŋginŋgini. Tovenen mbeb eta irau itok ndug tonowen maau. Ighaze pataŋani eta ivot padi, Maaron irau isaŋan le mboŋmaagh maau. Pale iuul di rikia moghon.

⁶ Ndug ndug, matughezaaŋ tiina igham di ve tisaŋeeŋ. Kinik to taan tapiridi isob, le ndug todi tiwaghamgham. Ve Maaron isaav aliŋa tiina inimale lalaav avolutu, le taan ituntun ve ireer inimale ya.

⁷ Yoova, ye Maaron ariaŋa ve iŋgin mbeb tisob. Ye ineep toman ghiit irau sawa isob. Maaron to Yakop inim inaad ariaŋa to yoŋgaaŋ.

⁸ Anim aghita uraat tintina to Yoova igham di. Uraat toni igham tamtoghon timatughez ve avodi ikaak.

⁹ Ye ipasob malmal irau taan dige to naol ne. Ve iŋgor polpolin pane ve iiz, ve isad sigeu to malmal, ve isuruuv di tizala yab.

¹⁰ Ye isaav pa tamtoghon ighaze: “Aparab iraua! Atemim izi, ve aghilaal ghou. You moghon to Maaron. Ndug ndug pale tipait ghou, ve izag inim tiina irau taan isob.”

⁴ Maaron Tiina Tau Iliiv Zimaronŋa Tisov na, nugh tooni patabuyaaŋ, i le yaa tau monmon irereer. Yaa tawe igham tamtamon to nugh tooni tileep poia toman tintinizi.

⁵ Maaron ilepleep ila nugh tawe ve iŋginŋgini. Tauvene gabua eta irau itok nugh tawe mako. Isaav ighe pataŋani eta ivot pazi, Maaron irau isaŋan le mboŋoozo mako. Pale iuul zi rekia mon.

⁶ Nugh nugh, roiŋ tiina igham zi ve tisaŋeeŋ. Kinik to taan tapirizi isov, le nugh toozi tivaghamgham. Ve Maaron isaav aliiŋa tiina imin lalaav luutu, le taan ituntun ve ireer imin yaa.

⁷ Yoova, i Maaron saksaki ve iŋgin gabua naol isov. I ileep tomani ghiit irau saawe. Maaron to Yakop imin niaan ariaaŋa to yoŋgaaŋ.

⁸ Alam aghita uraat tintiina tau Yoova igham zi na. Uraat tooni igham tamtamon tiroi ve avozi ikaak.

⁹ I ipapasov malmal irau taan ziige ta naol ne. Ve iŋgoor polpolin paneegh ve iiz, ve isan sigheu to malmal, ve isuruuv zi tizala yav.

¹⁰ I isaav pa tamtamon ighe: “Aparav irao! Atemim izi, ve aghilaal ghau. Yau mon ta Maaron. Nughmariŋ pale tipait ghau, ve ezag imin tiina irau taan isov.”