Mbouŋ to Yes Israela 46:1-5 in Mutu

¹ Maaron inim inaad ariaŋa to yoŋgaaŋ, ve ipapalot ghiit. Ighaze pataŋani eta ivot pait, ye pale ineep digeed ve iuul ghiit.

² Tovenen irau tamatughez maau. Ighaze yoŋgyoog itok taan, ve lolooz tipolpol tizila te lolo,

³ ve te isami, ve dibom tipaparab ve tighelghel naari to lolooz pughu le lolooz tirur, nene poia. Irau tasaŋeeŋ maau.

⁴ Maaron Tiina To Ilib Pa Ndimaronŋa Tisob Ne, ndug toni patabuaŋ, ye le ya to moghon moghon irereer. Ya tonowen igham tamtoghon to ndug toni tineep pooi toman tinidi iza.

⁵ Maaron inepneep ila ndug tonowen ve iŋginŋgini. Tovenen mbeb eta irau itok ndug tonowen maau. Ighaze pataŋani eta ivot padi, Maaron irau isaŋan le mboŋmaagh maau. Pale iuul di rikia moghon.

¹ Mbouŋ to yes Kora Maaron imin niaan ariaaŋa to yoŋgaaŋ, ve ipapalot ghiit. Isaav ighe pataŋani eta ivot pait, i pale ileep zigeen ve iuul ghiit.

² Tauvene irau taroi mako. Isaav ighe yogyoog itok taan, ve loloz tipolpol tizila te loolo,

³ ve te isaghat gha dibom tipaparav, ve tisasabur loloz puughu le loloz tirurur, ene poia. Irau tasaŋeeŋ mako.

⁴ Maaron Tiina Tau Iliiv Zimaronŋa Tisov na, nugh tooni patabuyaaŋ, i le yaa tau monmon irereer. Yaa tawe igham tamtamon to nugh tooni tileep poia toman tintinizi.

⁵ Maaron ilepleep ila nugh tawe ve iŋginŋgini. Tauvene gabua eta irau itok nugh tawe mako. Isaav ighe pataŋani eta ivot pazi, Maaron irau isaŋan le mboŋoozo mako. Pale iuul zi rekia mon.