Mbouŋ to Yes Israela 42:3-5 in Mutu

³ Mboŋmaagh ila le rabrab izi, tamtoghon tinoknok velegiiŋ ghou tighaze: “Maaron tiom ineep sine?” Saveeŋ todi tonowen igham ghou nataŋtaŋ ve naghunghun matag suru irau mboŋ ve ndag.

⁴ You matag iŋgal imuul ila pa ŋgar to muuŋ naghamghami, tauto navotia lolog ila to Yoova. Sawa tonenen, you namuŋmuuŋ pa ival tiina, ve yeiŋa nizazala pa Maaron rumai toni, leso nilup ghei pa suŋuuŋ. Yei nimboumbou toman lolomai poia kat, ve nilolool ve nipapait Maaron iza pa poia toni.

⁵ Tauto naghason taug naghaze vena to aazne lolog isami? Lolog ipataŋan, ve nagham ŋgar naol pasa? You irau naghur ila to Maaron, ve naghur matag pani. Pasa, ye Maaron tiou ve Volaaŋa tiou. Tovenen you pale napaiti muul.

³ Mboŋoozo ila le ravrav izi, tamtamon tinoknok veleghiiŋ ghau tighe: “Maaron tsio ileep sindei?” Saveeŋ toozi tawe igham ghau nataŋtaŋ ve naghunghun matag suuru irau mboŋ ve mataaz.

⁴ Yau matag iŋgal imuul ila pa ŋgar tau muuŋ naghamghamu na, tauta navotia lolog ila to Yoova. Saawe tana, yau namuŋmuuŋ pa eval tiina, ve yeŋa nizazala pa Maaron rumei tooni, leso nilup ghei pa suŋuuŋ. Yei nimboumbou toman lolomai poia kat, ve niyoryoor Maaron eeza pa poia tooni.

⁵ Tauta naghason taug naghe mindai ta aazne lolog isaghat? Lolog ipataŋan ve nagham ŋgar naol pasaa? Yau aat naghur ila to Maaron ariaaŋ, ve naghur matag pani. Pasaa, i Maaron tsiau ve Uleeŋa tsiau. Tauvene yau aat napaiti muul.