Mbouŋ to Yes Israela 3:2-8 in Mutu

² Yes tisavsaav payou tighaze: “Maaron ipul muri pani wa. Irau iuuli muul maau.”

³ Eemoghon Yoova, yom unum sigeu payou ve upoon ghou. You tinig iza pasa, yom ugham izag inim tiina, ve upalot ghou le nalib pa koiagŋa.

⁴ You nataŋ roran Yoova toman aliŋag tiina naghaze iuul ghou. Ve ye ineep izi lolooz toni patabuaŋ, ve ilooŋ ghou.

⁵ Tovenen you nazi nagheen le lolog imaagh. Pasa, Yoova tau to mata pa ghenooŋ tiou le namundig muul.

⁶ Ighaze koiagŋa ndiŋndiŋ ndiŋndiŋ saaŋgul (10,000) tiluvut ghou pa tigham malmal payou, you irau namatughez padi maau.

⁷ O Yoova, rikia moghon umundig ve uul ghou! Urab koiagŋa azedi le livodi ipolpol. Ve urab matin tapiridi le isob kat.

⁸ Yoova, yom moghon to irau ugham mulin ghou. Ughur poia tiom iza to tamtoghon tiom tisob, leso tinidi iza ve tineep pooi.

² Yes tisavsaav payau tighe: “Maaron ipul muuri pani wa. Irau iuule muul mako.”

³ Eemon Yoova, yo umin sigheu payau ve upoon ghau. Yau tinig izaa pasaa, yo ugham ezag imin tiina, ve upalot ghau le naliiv koiagŋa.

⁴ Yau nataŋ rarai Yoova toman aliŋag tiina naghe iuul ghau. Ve i ileep izi loloz tooni patabuyaaŋ, ve ilooŋ ghau.

⁵ Tauvene yau nazi le nagheen kat. Pasaa, Yoova tauu iŋgin ghau pa ghenooŋ tsiau le naburig muul.

⁶ Isaav ighe koiagŋa ndiŋndiŋ ndiŋndiŋ saŋavul (10,000) tilivut ghau to tigham malmal payau, ene yau irau naroi pazi mako.

⁷ O Yoova, rekia mon uburig gha uul ghau! Urav koiagŋa azezi le livozi ipolpol. Ve urav matin tapirizi le isov kat.

⁸ Yoova, yo mon ta irau ugham mulin ghau. Ughur poia tsio izaa to tamtamon tsio tisov, leso tintinizi ve tileep poi.