Mbouŋ to Yes Israela 30:9-12 in Mutu

⁹ “O Yoova, ighaze namaat ve nazila ndug to mateeŋa, nene pale mateeŋ tiou iuul sei? Ughita. Mateeŋa to tizila taan lolo ve tinim ghavuur, todi eta irau ipait ghom? Ma todi eta irau ivotia ŋgar tiom to utataghon saveeŋ mbuaaŋ tiom? Maau.

¹⁰ Tovenen Yoova, ulooŋ suŋuuŋ tiou tonene. Lolom isamin ghou ve uul ghou lak! Pasa, you mbesooŋa tiom.”

¹¹ Aa ghara upasob taŋiiz tiou! Tovenen you pale tinig iza ve nator. Yom upasob pataŋani tiou, ve ududuum uli to moŋiiŋ izi pa tinig. Yom ugham ghou lolog poia kat, ve naneep ila poia tiom lolo.

¹² Tovenen irau neneeŋag maau. You pale nambou ve napait izam toman lolog. Yoova, yom Maaron tiou. You pale napait ghom pa poia tiom to aazne, ve itaghoni taghoni gha ila.

⁹ “O Yoova, isaav ighe namaat gha nazila mateegha niazi, ene pale mateegh tsiau imin saa poia? Ughita. Mateegha tau tizila taan loolo gha timin ŋgaupup na, toozi eta irau ipait ghom? Ma toozi eta irau ivotia ŋgar tsio tau utataghon saveeŋ mbuaaŋ tsio? Mako.

¹⁰ Tauvene Yoova, ulooŋ suŋuuŋ tsiau tane. Lolom isaghatin ghau ve uul ghau lak! Pa yau besooŋa tsio.”

¹¹ Aa ŋgarig gha upasov taŋiiz tsiau! Tauvene yau aat tintinig ve nator. Yo upasov pataŋani tsiau, ve uzuzuum uuli to moŋiiŋ izi pa tinig. Yo ugham ghau lolog poia kat, ve naleep ila poia tsio loolo.

¹² Tauvene irau naneneeŋ mako. Yau aat nambou ve napait ezam toman lolog isov. Yoova, yo Maaron tsiau. Yau aat napait ghom pa poia tsio ta aazne, ve taghon taghon gha ila.