2 Apait Yoova! Pasa, ye iza tiina kat. Ye ipambood tau pa ŋgar toni patabuaŋ. Tovenen aput aghemim pani ve apaiti.
3 Yoova aliŋa ila irau te dige to naol ne. Maaron to iza tiina ne aliŋa, nene inimale lalaav avolutu. Yoova isaav toman aliŋa tiina izala te pogho.
4 Yoova aliŋa tapiri tiina. Aliŋa ipatooŋa ighaze ye iza tiina kat.
5 Yoova aliŋa iŋgalŋgal balagin ai mendepur tintina to Lebanon. Aliŋa iŋgalŋgal mbirisan di.
6 Yoova aliŋa itok lolooz tintina to Lebanon, le tiyatovtov di tinimale makau ndinatu papaghu to tinidi iza. Ve itok lolooz Ermon, le iyatovtova inimale bapolo sagsagŋa ndinatudi to tinidi iza.