Mbouŋ to Yes Israela 28:4-9 in Mutu

⁴ Yes tikaria ghamuuŋ sosor wa. Tovenen ughur atia padi, ve uŋgal matadi. Leso uyat ŋgar todi samia tonowen. Ugham tovene, ghoro deŋia. Pasa, ŋgar to tighamghami, poia maau.

⁵ Uraat tintina to Yoova nima ighamgham di, yes tigham ŋgar pani maau. Tovenen ye pale ireu mbirisan di ve tilaledi kat, tinimale ruum to tireu mbirisani, ve irau tireii muul maau.

⁶ You napait Yoova pa poia toni. Pasa, you nataŋ rorani pa iuul ghou, ve ilooŋ taŋiiz tiou.

⁷ You naghamgham tapirig ila to Yoova, ve ye inim sigeu payou. You naghur ila toni ariaŋa ila lolog, ve iuluul ghou. Tovenen lolog poia le poia kat, ve napait iza pa poia toni ila mbouŋ.

⁸ Yoova tamtoghon toni tighamgham tapiridi ila toni. Ve kinik to Yoova tau ighuri pa uraat toni, ye iuluuli ve iponpoona pa koia inimale didiiŋ ariaŋa.

⁹ Yoova, yom usia tamtoghon tiom tinim lem kat. Ugham mulin di pa pataŋani todi, ve ughur poia tiom iza todi. Matam pa sipsip tiom, ve uŋgin poian di. To aazne, ve itaghoni taghoni gha ila.

⁴ Yes tikaria ghamuuŋ sosor wa. Tauvene ughur atuya pazi ve uŋgal matazi. Leso uyat ŋgar toozi saghati tawe. Ugham tauvene, o iduduuŋ. Pasaa, ŋgar tau tighamghamu na, poia mako.

⁵ Uraat tintiina tau Yoova niima ighamgham zi na, yes tigham ŋgar pani mako. Tauvene i pale ireu mbirisai zi gha tilalez kat, imin ruum tau tireu mbirisaini, ve irau tirao muul mako.

⁶ Yau napait Yoova pa poia tooni. Pasaa, yau nataŋ raraini to iuul ghau, ve i ilooŋ taŋiiz tsiau.

⁷ Yau naghamgham tapirig ila to Yoova, ve i imin sigheu payau. Yau naghur ila tooni ariaaŋ ila lolog, ve i iuluul ghau. Tauvene lolog poia le poia kat, ve napait eeza pa poia tooni ila mbouŋ.

⁸ Yoova tamtamon tooni tighamgham tapirizi ila tooni. Ve kinik tau Yoova tauu ighuru pa uraat tooni na, i iuluule ve iponpoona pa koiŋa imin didiiŋ ariaaŋa.

⁹ Yoova, tamtamon tsio timin lem motot. Ugham mulin zi pa pataŋani toozi, ve ughur poia tsio izaa toozi. Matam pa sipsip tsio, ve uŋgin zi poi. Ta aazne, ve taghon taghon gha ila.