8 Tutuuŋ naol tau Yoova ighur zi pait, ene duduŋazi mon, ve tigham ghiit loloon poia kat. Tutuuŋ to Yoova imin ghazooŋa pait, ve igham ghiit taghilaal.
9 Ŋgar to taroi pa Yoova ve tataghon ŋgar tooni, ene poia. Ŋgar tauvene, ene iŋgalaaŋ ila i maata, ve igheen tauvene taghon taghon gha ila. Ve gabizooŋ to Yoova, ene iduduuŋ ve onoon mon.
10 Tamtamon tighita maet gol tighe ene gabua tiina, ve lolozi pani. Eemon Yoova saveeŋ tooni iliiv kat pa gol katini tau ŋgalaŋazi na. Ve tok suuru tauvene paam, poia ve imonmoon ila avoon. Eemon Yoova saveeŋ tooni, ene poia kat le iliiv tok suuru.
11 Yoova, yau besooŋa tsio. Saveeŋ tsio ipaghau ghau pa pataŋani naol. Yes tau titaghon saveeŋ tsio, ene aat tigham lezi atuya tiina.
12 Sei irau ighilaal sosor tooni isov? Mako. O Yoova, sosor naol tau naghilaal zi mako ve nagham zi na, lolom isaghatin ghau ve upul zi.
13 Yau besooŋa tsio. Sosor tau naghilaal zi na, upaghau ghau pazi. Pa lolog pa ŋgar tauvene igham pooz payau mako. Leso nagham sosor tiina eta sov, ve ŋgar tsiau iduduuŋ ila yo matam.