Mbouŋ to Yes Israela 16:1-9 in Mutu

¹ O Maaron, unum sigeu payou ve uŋgin ghou naneep pooi. Pasa, you nanumeer ghom, ve nayooŋ ilat tiom.

² You nasaav pa Yoova: “Yom Tiina tiou. Ighaze naneep saguan payom, irau nandeeŋ mbeb poia eta maau.”

³ Tamtoghon patabuaŋa to Yoova to tinepneep izi taan, yes popoiadi kat. Ighaze naneep toman di, yes tigham lolog poia le poia kat.

⁴ Eemoghon ndiran to timbesmbees pa maaron kaaromŋa, pataŋani naol pale tiza todi. You irau nala toman di pa watooŋrau todi maau. Ve avog irau itut maaron todi izadi rita maau.

⁵ You naghita Yoova naghaze ye inimale taan poia eez to tipuli payou pa naneep pani. Irau nambool pa mbeb eta maau. Pasa, you naneep ila ye nima.

⁶ Mbeb naol to you nagham di ilat tiom, nene popoiadi moghon. Onoon kat, nepooŋ tiou to Yoova igham payou, nene poia kat, inimale naneep ila taan paghuna eez to tipuli payou.

⁷ You napait Yoova pa poia toni. Pasa, ye ighamgham pooz payou leso nataghon ataam poia. Mboŋ paam, ŋgar to ye ighuri ila lolog ne, ipatooŋ ataam payou.

⁸ Moghon moghon, matag iŋgalŋgal Yoova naghaze ye ineep toman ghou. Ye inepneep ila pa digeg waan ve ipapalot ghou. Tovenen mbeb eta irau igham ghou ruŋag iza ne maau.

⁹ Tauto tinig iza, ve lolog poia kat. Irau namatughez maau. Pasa, yom pale uŋgin ghou naneep pooi.

¹ Mbouŋ to David O Maaron, umin sigheu payau ve uŋgin ghau naleep poi. Pasaa, yau nanumeer ghom ve nayooŋ ilat tsio.

² Yau nasaav pa Yoova: “Yo Tiina tsiau. Isaav ighe naleep soghan payo, ene irau nandeeŋ gabua poia eta mako.”

³ Tamtamon patabuyaaŋa to Yoova tau tilepleep izi taan, yes popoiazi kat. Isaav ighe naleep tomani zi, yes tigham lolog poia le poia kat.

⁴ Eemon zeran tau tibesbees pa maaron karomŋa na, pataŋani naol pale izazaa toozi. Yau irau napaak zi pa watooŋrau toozi mako. Ve avog irau itut maaron toozi ezazi rigta mako.

⁵ Yau naghita Yoova naghe i imin taan poia ee tau tipuli payau to naleep ila. Irau nambool pa gabua eta mako. Pasaa, yau naleep ila i niima.

⁶ Gabua naol tau yau nagham zi ilat tsio, ene popoiazi mon. Onoon kat, lepoogh tsiau tau Yoova igham payau ne, ene poia kat. Imin naleep ila taan paghuuna ee tau tipuli payau.

⁷ Yau napait Yoova pa poia tooni. Pasaa, i ighamgham pooz payau, leso nataghon eez poia. Mboŋ paam, ŋgar tau i ighuru ila lolog ne, itotoi eez payau.

⁸ Saawe isov, matag iŋgalŋgal naghe Yoova ileep tomani ghau. I ilepleep ila zigeg tapir ve ipapalot ghau. Tauvene gabua eta irau igham ghau narur ne mako.

⁹ Tauta tintinig ve lolog poia kat. Irau naroi mako. Pasaa, yo aat uŋgin ghau naleep poi.