Mbouŋ to Yes Israela 149:3-6 in Mutu

³ Ator ve apait Yoova iza. Atok kakaap ve arab gita pa apakuri.

⁴ Pasa, Yoova tini iza kat pa tamtoghon toni. Yes to tinumeera ve titatan taudi, ye ipakur di, ve ighamgham mulin di pa pataŋani todi.

⁵ Ye igham di tilib pa koiadi. Tovenen yes to lolodi ineep tuŋia ila to Yoova ve titaghon ŋgar toni, lolodi poia kat ve tinidi iza. Sawa to tigheen ila inadi to ghenooŋ, timboumbou ve tipapaiti.

⁶ Yes tipait Maaron iza izala kat. Paitooŋ todi inepneep ila avodi irau sawa isob. Buza matadi ru tineep ila nimadi.

³ Ator ve apait Yoova eeza. Atok kakaap, ve arav gita to apakuru.

⁴ Pa Yoova tintini kat pa tamtamon tooni. Yes tau titatan tauzi ve tinumeera na, i ipapakur zi, ve ighamgham mulin zi pa pataŋani toozi.

⁵ I igham zi tiliiv koiazŋa. Tauvene yes tau lolozi isaghav Yoova ve titaghon ŋgar tooni na, lolozi poia ve tintinizi. Saawe tau tigheen ila niazi to ghenooŋ, timboumbou ve tipapaiti.

⁶ Yes tipapait Maaron eeza izala kat. Paitooŋ toozi ighengheen ila avozi irau saawe. Ve tikis mbuzaagh maata ru ila nimazi.