Mbouŋ to Yes Israela 149:1-4 in Mutu

¹ Aleluia, tapait Yoova! Ambou mbouŋ paghu pa Yoova. Yam to lolomim ineep tuŋia ila toni ve ataghon ataam toni, alup gham pa suŋuuŋ, ve apaiti!

² Yam Israela, lolomim poia pani. Pasa, ye to ighur gham. Yam tamtoghon to Zion, tinimim iza pa kinik tiam.

³ Ator ve apait Yoova iza. Atok kakaap ve arab gita pa apakuri.

⁴ Pasa, Yoova tini iza kat pa tamtoghon toni. Yes to tinumeera ve titatan taudi, ye ipakur di, ve ighamgham mulin di pa pataŋani todi.

¹ Aleluia, tapait Yoova! Ambou mbouŋ paaghu pa Yoova. Yam tau lolomim isaghavu ariaaŋ ve ataghon eez tooni na, alup gham pa suŋuuŋ, ve apaiti!

² Yam Israela, lolomim poia pani. Pa i ta ighur gham. Yam tamtamon to Zion, tintinmim pa kinik tsiam.

³ Ator ve apait Yoova eeza. Atok kakaap, ve arav gita to apakuru.

⁴ Pa Yoova tintini kat pa tamtamon tooni. Yes tau titatan tauzi ve tinumeera na, i ipapakur zi, ve ighamgham mulin zi pa pataŋani toozi.