Mbouŋ to Yes Israela 148:2-13 in Mutu

² Yam aŋela toni asob apaiti! Ve yam ndaaba to sambam paam, asob apaiti!

³ Ndag ve kaiyo, apaiti! Ve yam pitum to araŋ ila sambam paroŋania ne paam, apaiti.

⁴ Sambam to ineep sala le sala kat, upaiti! Ve ya to ineep sala ne paam, upaiti!

⁵ Mbeb tonowen tisob tipait Yoova iza, ghoro poia. Pasa, ye isaav, ve yes tivot titaghon ye aliŋa.

⁶ Ye ighur di tineep ila inadi inadi, leso tineep tonowe itaghoni taghoni gha ila. Saveeŋ to ye isavia iŋarua di, ineep pataghaaŋ. Irau tizoora maau.

⁷ Yam mbeb to aneep izi taan, apait Yoova! Ve yam mbeb to te lolo to tapirimim tintina ve aneep ila mazovan ne paam, apaiti!

⁸ Lalaav waro, toman ais, waam, ve yaghur uti to avotvot itaghon Yoova aliŋa, yam asob apaiti!

⁹ Yam lolooz ve ndug mbuŋa, ve yam mbaaŋ to anoŋamim popoia, ve ai to su paam, asob apaiti!

¹⁰ Ve yam ŋgai to paanu, ve mbeb sagsag to su, mbeb to andadarab ila taan, ve man to arovroov, apaiti!

¹¹ Yam kinik, pooza, ve daba, toman yam tamtoghon to ndug ndug, asob apait Yoova!

¹² Yam nditamoot ve ndiliva papaghu, yamŋa ndolman watwaat ve yam ndipain geegeu paam, apaiti!

¹³ Yam asob apait Yoova iza. Pasa, ye moghon to iza tiina kat ilib pa mbeb tisob. Pooz toni toman tapiri ve poia toni ilib pa mbeb tisob to sambam ve taan.

² Yam aŋela tooni asov apaiti! Ve yam zaaba to sambam paam, asov apaiti!

³ Aaz ve kaiyo, apaiti! Ve yam pitum tau araŋ ila sambam saamba na paam, apaiti.

⁴ Sambam tau igheen saaŋa le saaŋa kat na, upaiti! Ve yaa tau igheen izala saaŋa na paam, upaiti!

⁵ Gabua tawe tisov tipait Yoova eeza, o poia. Pasaa i isaav, ve yes tivot itaghon i tauu aliiŋa.

⁶ I ighur zi tigheen ila niazi niazi, leso tigheen ta sewe taghon taghon gha ila. Saveeŋ tau i isavia iŋarui zi na, ene igheen pataghaaŋ. Irau tizoora mako.

⁷ Yam gabua tau aleep izi taan na, apait Yoova! Ve yam gabua to te loolo tau tapirimim tintiina ve aleep mazavan na paam, apaiti!

⁸ Lalaav waaro, tomania ais, naghavghavu, uwam, ve yaghur tiini tau avotvot itaghon Yoova aliiŋa na, yam asov apaiti!

⁹ Yam loloz ve nugh mbua, ve yam wal tau anoŋamim popoia, ve ai to su paam, asov apaiti!

¹⁰ Ve yam ŋgai to nughei, ve gabua sagsagŋa to su, gabua tau akakarau ila taan, ve man tau arovroov na, apaiti!

¹¹ Yam kinik, pooza, ve daaba, tomania yam tamtamon to nughmariŋ, asov apait Yoova!

¹² Yam zitamoot ve zilivaa paghpaaghu, tomania zikooŋa ve yam geegeu paam, apaiti!

¹³ Yam asov aat apait Yoova eeza. Pa i mon ta eeza tiina le tiina kat iliiv gabua naol isov. Pooz tooni tomania tapiri ve poia tooni iliiv gabua naol isov to sambam ve taan.