Mbouŋ to Yes Israela 146:3-9 in Mutu

³ Anumeer yes daba ve pooza malep. Yes tamtoghon to taan moghon. Irau tigham mulin gham pa pataŋani tiam maau.

⁴ Sawa to avuvudi isob ve timaat, yes pale timuul tizila taan. Ghoro ŋgar to muuŋ matadi iŋgali tighaze tighami, nene pale inim mbeb sorok. Irau ighur anoŋa maau.

⁵ Eemoghon tamtoghon to ighaze inumeer Maaron to Yakop, ve ighamgham ulaaŋ ila toni, ye pale lolo poia. Pasa, yes to tinumeer Maaron todi Yoova, ve tighur matadi pani pa ulaaŋ, nene pale poia toni iza todi.

⁶ Yoova ighur sambam, taan, ve te, toman mbeb tisob to tineep ila. Ve saveeŋ toni isob, ye pale mata iŋgali, ve itaghoni irau sawa isob.

⁷ Yes to koiadi titatan di, Yoova iyondyood padi, ve iuluul di pa pataŋani todi. Ve yes to pitool igham di, ye ighamgham adi aniiŋ. Ve yes to tineep ila koiadi nimadi, ye ighamgham mulin di.

⁸ Yes to matadi pisi, ye igham di tighita ndug. Ve yes to pataŋani itatan di, ye iuul di, ve iit di tiza. Yoova lolo inepneep to ndiran deŋiadi.

⁹ Mata pa yes to ndug ite, ve iŋginŋgin yes parooŋa ve ndinaara pa nepooŋadi. Eemoghon ye iponpoon ataam pa ndiran samsamia.

³ Anumeer yes daaba ve pooza sov. Yes tamtamon to taan mon. Irau tigham mulin gham pa pataŋani tsiam mako.

⁴ Saawe tau avuvuzi isov ve timaat, yes aat timuul tizila taan. Mako ŋgar tau muuŋ matazi iŋgali tighe tighamu na, imin kaut sorok. Irau ighur anooŋa mako.

⁵ Eemon tamtamon tau ighe inumeer Maaron to Yakop, ve ighamgham uleeŋ ila tooni, i aat loolo poia. Pasaa, yes tau tinumeer Maaron toozi Yoova ve tighurghur matazi pani pa uleeŋ, ene aat poia to Maaron izazaa toozi.

⁶ Yoova ighur sambam, taan, ve te, tomania gabua naol isov tau tileep ve tigheen ila na. Ve saveeŋ mbuaaŋ tooni isov, i pale maata iŋgali ve itaghoni irau saawe.

⁷ Yes tau koiazŋa titatan zi na, Yoova iyozyooz pazi ve iuluul zi pa pataŋani toozi. Ve yes tau pitool igham zi na, i ighamgham lezi aniiŋ. Ve yes tau tileep ila koiazŋa nimazi na, i ighamgham mulin zi.

⁸ Yes tau matazi kumkuuma na, i igham zi tighita nugh. Ve yes tau pataŋani itatan zi na, i iuul zi, ve iit zi tizaa. Yoova loolo ighengheen to zeran duduŋazi.

⁹ I maata pa yes to nugh ite, ve iŋginŋgin yes parooŋa ve zinaara pa lepoogh toozi. Eemon iponpoon eez pa zeran sasaghati.