Mbouŋ to Yes Israela 142:4-7 in Mutu

⁴ Matag izi pa digeg, eemoghon naghita eta ineep pa iuul ghou maau. Ve leg ndug eta to yoŋgaaŋ maau. Ve tamtoghon eta mata iŋgal ghou paam maau.

⁵ Yoova, you nataŋ roran ghom pa ulaaŋ. Ve nanumeer ghom naghaze yom to unum inag to yoŋgaaŋ. Sawa to naneep izi taan, you naneep ilat tiom. Unumale taan poia eez to tipuli payou, leso naneep ila. Irau nambool pa mbeb eta maau.

⁶ Ughur taliŋam pa taŋiiz tiou tonene. Pasa, aazne pataŋani itatan ghou kat. Koiagŋa to tighurghur pataŋani payou, tapiridi ilib payou kat. Tovenen ugham mulin ghou ila nimadi.

⁷ Nepooŋ tiou, nene inimale naneep ilooŋ ila ruum to yabyabuuŋ, ve leg ataam eta pa navot maau. Tovenen upas ghou navot pa pataŋani tonene. Leso napait izam. Ighaze ugham poian ghou ve uul ghou, nene pale tamtoghon tiom deŋiadi tinim tiluvutin ghou ve napait izam toman lolog poia ila matadi.

⁴ Matag izi pa zigeg, eemon naghita eta to iuul ghau mako. Ve leg nugh eta to yoŋgaaŋ mako. Ve tamtamon eta maata iŋgal ghau mako paam.

⁵ Yoova, yau nataŋ rarai ghom pa uleeŋ. Ve nanumeer ghom naghe yo ta umin niag to yoŋgaaŋ. Saawe tau naleep izi taan, yau naleep ilat tsio imin taan poia ee tau tipuli payau to naleep ila. Irau nambool pa gabua eta mako.

⁶ Ughur taliŋam pa taŋiiz tsiau tane. Pasaa, aazne pataŋani itatan ghau kat. Koiagŋa tau tighurghur pataŋani payau na, tapirizi iliiv ghau kat. Tauvene ugham mulin ghau ila nimazi.

⁷ Lepoogh tsiau, ene imin naleep iloŋ ila ruum to yavyavuuŋ, ve leg eez eta to navot mako. Tauvene upas ghau navot pa pataŋani tane. Leso napait ezam. Isaav ighe ugham poghani ghau ve uul ghau, ene pale tamtamon tsio duduŋazi tilam tilivutin ghau ve napait ezam toman lolog poia ila matazi.