Mbouŋ to Yes Israela 142:1-5 in Mutu

¹ You nataŋ roran Yoova toman aliŋag tiina. Taŋiiz tiou iŋarua naghaze lolo isamin ghou ve iuul ghou. Pasa, you mbesooŋa toni.

² You navotia pataŋani tiou ila toni. Mbeb to igham ghou lolog isami, you nasavia pani.

³ Ighaze lolog ipataŋan kat, ve tapirig isob, yom uwatag nepooŋag wa. Ataam to nataghoni, nene koiagŋa tighur liis todi ila wa.

⁴ Matag izi pa digeg, eemoghon naghita eta ineep pa iuul ghou maau. Ve leg ndug eta to yoŋgaaŋ maau. Ve tamtoghon eta mata iŋgal ghou paam maau.

⁵ Yoova, you nataŋ roran ghom pa ulaaŋ. Ve nanumeer ghom naghaze yom to unum inag to yoŋgaaŋ. Sawa to naneep izi taan, you naneep ilat tiom. Unumale taan poia eez to tipuli payou, leso naneep ila. Irau nambool pa mbeb eta maau.

¹ Mbouŋ to David Mbouŋ tane iŋarui saawe tau David iyooŋ ila maet puura loolo Yau nataŋ rarai Yoova toman aliŋag tiina. Taŋiiz tsiau iŋaruini naghe loolo isaghatin ghau ve iuul ghau. Pasaa, yau besooŋa tooni.

² Yau navotia pataŋani tsiau ila pani. Gabua tau igham ghau lolog isaghat, ene nasavia pani.

³ Isaav ighe lolog ipataŋan kat ve tapirig imbool, ene yo uwatagh lepoghag wa. Eez tau yau nataghoni, ene koiagŋa tighur liis toozi ila wa.

⁴ Matag izi pa zigeg, eemon naghita eta to iuul ghau mako. Ve leg nugh eta to yoŋgaaŋ mako. Ve tamtamon eta maata iŋgal ghau mako paam.

⁵ Yoova, yau nataŋ rarai ghom pa uleeŋ. Ve nanumeer ghom naghe yo ta umin niag to yoŋgaaŋ. Saawe tau naleep izi taan, yau naleep ilat tsio imin taan poia ee tau tipuli payau to naleep ila. Irau nambool pa gabua eta mako.