Mbouŋ to Yes Israela 140:8-13 in Mutu

⁸ Yoova, ndiran samsamia tilup di, ve tikalkaal ataam pa tiwaghamun ghou. Upoon ataam padi, leso ŋgar todi samia tonowen ighur maau. Upul di tilib payou malep. Pa vene, tipakur di.

⁹ Yes tiluvut ghou, ve tipakur di tighaze tilib payou. Saveeŋ samsamia to ivotvot ila avodi, ighamgham pataŋani payou. Upamuul saveeŋ tonowen imuul ila pa taudi, leso iwaghamun di.

¹⁰ Ugham yab ŋgiliŋi itaptap izala poghodi ve ighan di. Ve usuruuv di tizila saambu to mateeŋa to izila le izila kat. Leso tiza muul sob.

¹¹ Yes to tiŋgalŋgal saveeŋ pa tamtoghon, undiir di tighau pa taan tiei. You naghaze pataŋani igham taghon yes to tighamgham malmal, ve ipasob di rikia moghon.

¹² Yoova, you nawatag: Yes mbolaaŋa, ve yes to timbadbaad pataŋani ve tighur matadi payom, yom pale uyoon padi, ve uul di pa pataŋani todi.

¹³ Onoon kat, ndiran deŋiadi pale lolodi poia payom ve tipait izam, ve tineep ila naghom irau sawa isob.

⁸ Yoova, zeran sasaghati tilup zi, ve tiliil eez to tivaghamun ghau. Upoon eez pazi, leso ŋgar toozi saghati tawe ighur mako. Upul zi tiliiv ghau sov. Pale tipakur tauzi.

⁹ Yes tilivutin ghau, ve tipakur zi tighe tiliiv ghau. Saveeŋ sasaghati tau ivotvot ila avozi na, ighamgham pataŋani payau. Upamuul saveeŋ tawe imuul ila pa tauzi, leso ivaghamun zi.

¹⁰ Ugham yav ŋgilaaŋi itaptap izala pavozi ve ighan zi. Ve usuruuv zi tizila puura to mateegha tau izila le izila kat na. Leso tizaa muul sov.

¹¹ Yes tau tiŋgalŋgal saveeŋ pa tamtamon na, uziir zi tighau pa taan tsiei. Yau naghe pataŋani igham taghon yes tau tighamgham malmal na, ve ipasov zi rekia mon.

¹² Yoova, yau nawatagh: Yes mbolaaŋa ve yes tau tibadbaad pataŋani ve tighur matazi payo na, yo aat uyooz pazi, ve uul zi pa pataŋani toozi.

¹³ Onoon kat, zeran duduŋazi pale lolozi poia payo ve tipait ezam, ve tileep ila naghom irau saawe.