Mbouŋ to Yes Israela 122:2-9 in Mutu

² Ve aazne, ninim nilooŋ nila Yerusalem lolo, ve niyoon nigharau ataam to didiiŋ ariaŋa to iluvut Yerusalem.

³ Yerusalem, ndug paghuna. Tigharaata le ivot kat. Mbeb tisob tineep deŋia moghon.

⁴ Iit tamtoghon to Yoova tanimnim sualen pa suŋuuŋ. Rumai to yes Israela tisob tizazala pa Yerusalem pa suŋuuŋ, ve tipait Yoova iza pa poia toni, titaghon tutuuŋ to ye tau ighuri padi.

⁵ Pasa, kinik tiei to tivot ila to David ne, inadi to ghamuuŋ pooz ineep to sualen. Ve tighagharaat saveeŋ to tamtoghon paam izi sualen.

⁶ Suŋuuŋ tiam iŋarua Yoova, ve aghasoni pa igham tamtoghon to Yerusalem tineep pooi toman lolodi luuma! Asuŋ pani aghaze: “Yes to lolodi pa Yerusalem, upaghau pataŋani padi. Leso timatughez sob, ve tineep poia moghon.

⁷ Ve yes to tineep ila didiiŋ ariaŋa to Yerusalem lolo, ugham di tineep pooi toman lolodi luuma. Ve kinik yesŋa uraata to tineep ila ruum toni ne paam. Upoon di pa pataŋani to naol. Leso timatughez sob, ve tineep poia moghon.”

⁸ You matag iŋgal toŋvetaz tiou ve nditag. Tauto nasaav pa ndug tiina Yerusalem naghaze: “Maaron pale igham ghom uneep pooi toman lolom luuma.”

⁹ Ve nagham ŋgar pa Maaron toit Yoova rumai toni paam. Tauto suŋuuŋ tiou iŋarua naghaze ye tau pale igham mbeb tisob tivot poia moghon payom.

² Ve aazne, nilam niloŋ nila Yerusalem loolo, ve niyooz nigharau didiiŋ ariaaŋa tau ilivut Yerusalem na atamana.

³ Yerusalem, ene nugh paghuuna. Tigharaata le ivot kat. Gabua naol isov tigheen duduuŋ mon.

⁴ Iit tamtamon to Yoova monmon tazazalam sene pa suŋuuŋ. Rumei rumei to Israela tisov tizazala pa Yerusalem to tipait Yoova eeza pa poia tooni, itaghon tutuuŋ tau i tauu ighuru pazi na.

⁵ Pasaa, kinik tsiei tau tivot ila to David na, niazi to ghamuuŋ pooz igheen nugh tane. Ve tighagharaat pataŋani to tamtamon paam izi ta sene.

⁶ Suŋuuŋ tsiam iŋarui Yoova, ve aghasoni to igham tamtamon to Yerusalem tileep poia toman lolozi luuma! Asuŋ pani aghe: “Yes tau lolozi pa Yerusalem na, upaghau pataŋani pazi. Leso tiroi sov, ve tileep poia mon.

⁷ Ve yes tau tileep iloŋ ila didiiŋ ariaaŋa to Yerusalem loolo na, ugham zi tileep poia toman lolozi luuma. Ve kinik tomania yes uraata tau tileep ila ruum tooni na paam. Upoon zi pa pataŋani naol isov. Leso tiroi sov, ve tileep poia mon.”

⁸ Yau matag iŋgal toŋvetaz tsiau ve zetagŋa. Tauta nasaav pa nugh tiina Yerusalem naghe: “Maaron pale igham ghom uleep poia toman lolom luuma.”

⁹ Ve nagham ŋgar pa Maaron toit Yoova rumei tooni paam. Tauta suŋuuŋ tsiau iŋaruini naghe i tauu aat igham gabua naol isov ivot poia mon payo.