Mbouŋ to Yes Israela 119:142-147 in Mutu

¹⁴² Ŋgar tiom deŋia pale inepneep tovene itaghoni taghoni gha ila. Ve saveeŋ tiom, nene onoon moghon. Tovenen irau naghur ila, ve nanumeera kat.

¹⁴³ Onoon, pataŋani naol titatan ghou, ve tigham ghou lolog ipataŋan kat. Eemoghon tutuuŋ tiom, nene igham lolog poia le poia kat.

¹⁴⁴ Ataam to yom ughuri payei, nene deŋia moghon, ve inepneep tovene irau sawa isob. Upaghazoŋan ghou pani, leso naneep pooi.

¹⁴⁵ O Yoova, you nataŋ roran ghom toman lolog. Ulooŋ suŋuuŋ tiou, ve uul ghou. Leso matag kisin tutuuŋ tiom to tineep pataghaaŋ, ve nataghon di.

¹⁴⁶ Taŋiiz tiou iŋarua ghom. Upas ghou navot pa pataŋani tiou tonene. Leso matag kisin ataam to yom ughuri payei, ve nataghoni irau sawa isob.

¹⁴⁷ You naghur ila saveeŋ mbuaaŋ tiom, ve naghur matag naghaze naghita anoŋa ivot. Tovenen ndag iza sone, ve you namundig nataŋ roran ghom pa ulaaŋ.

¹⁴² Ŋgar tsio duduuŋa pale ighengheen tauvene taghon taghon gha ila. Ve saveeŋ tsio, ene onoon mon. Tauvene irau naghur ila, ve nanumeera kat.

¹⁴³ Onoon, pataŋani naol itatan ghau, ve igham ghau lolog ipataŋan kat. Eemon tutuuŋ tsio, ene igham lolog poia le poia kat.

¹⁴⁴ Eez tau yo ughuru payei, ene iduduuŋ mon, ve ighengheen tauvene irau saawe. Upaghazoŋai ghau pani, leso naleep poi.

¹⁴⁵ O Yoova, yau nataŋ rarai ghom toman lolog. Ulooŋ suŋuuŋ tsiau ve uul ghau. Leso matag kisin tutuuŋ tsio naol tau tigheen pataghaaŋ na, ve nataghon zi.

¹⁴⁶ Taŋiiz tsiau iŋarui ghom. Upas ghau navot pa pataŋani tsiau tane. Leso matag kisin eez tau yo ughuru payei na, ve nataghoni irau saawe.

¹⁴⁷ Yau naghur ila saveeŋ mbuaaŋ tsio, ve naghurghur matag naghe naghita anooŋa ivot. Tauvene aaz izaa soone, ve yau naburig nataŋ rarai ghom to uul ghau.