Mbouŋ to Yes Israela 109:8-16 in Mutu

⁸ Ŋgeu tonowen ineep mala izi taan malep. Tamtoghon ite paam igham ina, ve igham uraat toni, ghoro poia.

⁹ Azuwa pale inim naar, ve ndinatu tinim parooŋa.

¹⁰ Pale tireu ndinatu ruum todi tizi, ve tinaan di tighau tila. Leso tiwaghamgham, tiwalaghlaagh, ve tisuŋsuŋ ledi mbeb.

¹¹ Ighaze ŋgeu tonowen igham bun ila to tamtoghon eta, nene pale tamtoghon tonenen inim ve iyou mbeb toni tisob tinim le. Mbeb to ye ighun wadedeŋa pani, ndiran to ndug ite pale tila ve tiyou di tinim ledi.

¹² Tamtoghon eta igham poian ŋgeu tonowen malep. Ve ndinatu to tinim parooŋa, tamtoghon eta lolo isamin di ve iuul di malep.

¹³ Ndinatu timatmaat le tisob, ghoro poia. Leso ŋgeu tonowen le iza muul sob, ve tamtoghon lolodi imaagh pani.

¹⁴ Ŋgar samia to nditimbu, tamtoghon pale tisavia pa Yoova, leso mata iŋgalŋgali. Ve sosor to tina paam, Yoova ireua malep.

¹⁵ Tovenen sosor to ŋgeu tonowen toman siŋ toni, Yoova pale mata iŋgalŋgali irau sawa isob, ve ipasob di pa taan. Leso tamtoghon lolodi imaagh padi kat.

¹⁶ Pasa, ŋgeu tonowen, mata iŋgal ve igham ŋgar poia eta pa tamtoghon maau. Yes mbolaaŋa ve yes to tineep ila pataŋani lolo, ye ighamgham samin di, ve irab di timatmaat.

⁸ Ŋeer tawe ileep malau izi taan sov. Tamtamon ite paam aat igham niia ve igham uraat tooni, o poia.

⁹ Azaawa pale imin naar, ve natŋa timin parooŋa.

¹⁰ Pale tireu natŋa ruum toozi tizi, ve tinaan zi tighawaar. Leso tivaghamgham, tivalaghlaagh, ve tisuŋsuŋ lezi gabua.

¹¹ Isaav ighe ŋeer tawe igham bun ila to tamtamon eta, ene pale tamtamon tana ilam ve iyauur gabua tooni isov imin le. Gabua tau i ighun punita pani na, zeran to nugh ite pale tilam ve tighamuur zi.

¹² Tamtamon eta igham poghania ŋeer tawe sov. Ve natŋa tau timin parooŋa na, tamtamon eta loolo isaghatin zi ve iuul zi sov.

¹³ Natŋa timataar le tisov, o poia. Leso ŋeer tawe eeza igheen muul sov, ve tamtamon lolozi iveegh pani.

¹⁴ Ŋgar saghati to timŋa, tamtamon pale tisavia pa Yoova, leso maata iŋgalŋgali. Ve sosor to tiina paam, Yoova ireua sov.

¹⁵ Tauvene sosor to ŋeer tawe tomania ziiri waaro tooni, Yoova pale maata iŋgalŋgali irau saawe, ve ipasovuur zi pa taan. Leso tamtamon lolozi iveghai zi kat.

¹⁶ Pasaa, ŋeer tawe maata iŋgal ve igham ŋgar poia eta pa tamtamon mako. Yes mbolaaŋa ve yes tau tileep ila pataŋani loolo na, i ighamgham saghatin zi, ve iravrav zi timatmaat.