1 Kamar ma tapakur Yooba. Kalŋanda isala mi tombo mboe pa ulaaŋa kiti mbolŋana raama menmeen ti. Pa ni ta ipombolmbol ti mi imenderkalkaala iti.
2 Tamar kat ta kereene uunu mi lelende ambai pini. Kalŋanda isala mi tombo mboe pakurŋana pini raama menmeen ti.
3 Pa Yooba, ni ta Anutu biibi ŋonoono, mi king biibi ŋonoono. Ilip pa merere ta boozomen.
4 Ni imborro koroŋ ta boozomen ta irao toono ma ila. Toono ta imbot meleeba kat ma ila isala abal ute ŋgutŋguutuŋan na, katuunu ta ni.
5 Tai mi toono na, koroŋ kini men tau. Pa ni itunu ta iur zin. Mi itunu mburaana ta ikam ma toono raraazaŋana ipet.
