4 Tomtom tire yo kembei aŋbot la naala kezeene kek. Pa mburoŋ imap kat.
5 Iŋgi tizem yo ma aŋbombooreŋ sorok kembei ta zin wal meeteŋan. Nio kembei zin wal ta tikas zin ma timetmeete, mi tipiri zin sula naala, mi nu motom iŋgalŋgal zin mini som, mi kampe zin mini som.
6 Nu ur yo sula kat naala ta usomŋana i, mi zugut biibi ilol yo.
7 Ketem malmalŋana ku, ta ikoto yo, mi ilol yo kembei ta duubu biibi ipol ma isalakaala yo.
