5 Parei, ko ketem malmalŋana ku izze tiam ma alok? Ko kiskis men ta kembei, mi iseeŋge iseeŋge ma ila?
6 Motom miili piam. Pa niam wal ku tau. Uulu yam be ambot ambai mini. Naso leleyam ambai pu mi amwidit urum.
7 O Yooba, mbulu ku ta toto sua ku mbukŋana mi urur lelem pa wal ku na, swe ma amre mini. Kamke yam ma ambot ambai.
8 Nio ko aŋgun talŋoŋ pa sua tabe Anutu iso i. Pa Yooba ko ikam sua luumuŋana piti ta kembei: Zin wal ta so tiurur lelen pini mi titoto mbulu kini na, ni ko iuulu zin ma timbot ambai mini. Mi kozo tire zin: Kokena timiili mini pa mbulu kankaanaŋana.
