5 O Yooba, parei? Ko ketem malmalŋana ku imbotmbot se tiam ta kembei ma alok? Ko motom mburmbur men, mi lelem ibayou kembei ta you, mi iseeŋge iseeŋge ma ila?
6 Liŋ ketem malmalŋana ku ma isalakaala zin karkari ta tiute u som na. Zin wal ta timbesmbeeze pu som na, ur kadoono pizin.
7 Pa niam ta wal ku na, zin tipambiriizi yam ma amap. Mi tipasaana toono tiam taiŋgi ma koroŋ sa imbot ambai mini som.
