9 Zin tomtom na, koroŋ sorok. Wal zanŋan mi zin sorrokŋan tomini. Tana irao tapase pizin na som. Pa timbot rimen mi timap, kembei miiri ta iwedet pa kwondo na.
10 Tana mbulu ki takam malmal mi toyo koroŋ kizin tomtom ma iwe lende na, kapase pa pepe. Mi kapase pa mbulu ki kuumbu be ikam yom ma kombot ndabok na pepe. Mi sombe pat tiom ipepeebe mi koyyo leyom koroŋ boozo, na kuur leleyom pa koroŋ tana pepe.
11 Sua ta Anutu itunu izzo mi nio aŋleŋleŋ na, imbot ta kembei: Ni itutamen kat ta le mburaana biibi.
