6 Tilup zin mi tikewe be tireut yo, mi tizaŋzaaŋa yo be tipun yo ma aŋmeete.
7 Anutu, wal sananŋan ta kembei, ko zem zin ma timbot? Som! Koto zin raama ketem malmalŋana, mi pun zin ma mburan imap kat.
8 Pataŋana tio ta boozomen na, nu beede se ro ku kek. Kes motoŋ luluunu la yok putuunu ku, mi ur lae ma imbotmbot, bekena motom iŋgalŋgal.
9 Tana nio sombe aŋboobu be uulu yo, nako kam ma koŋ koi bizin tiko mi timiili ma tila len. Naso aŋute kat ta kembei: Nu lelem pio mi lae tio.
