14 Mi patoronŋana ta nio leleŋ be kakam pio, ina ta kembei: Leleyom ambai pio, kapakur yo pa kampeŋana tio, mi koto kat sua ta kumbuk pa Anutu tiom mbura keskeezeŋana na.
15 Mi sombe pataŋana sa indeeŋe yom, na koboobo yo be aŋuulu yom. Naso aŋkamke yom, mi niom ko kapakur nio zoŋ.
16 Mi zin wal sananŋan na, Anutu iso pizin ta kembei: “Tutu tio ta tibeede pataaŋa kek na, niom kawatwaata sorok paso? Mi parei ta kwoyom lala pa sua ta aŋbuk pa wal tio na?”
17 Pa sua ta aŋso bekena aŋpazal yom pa na, kozorzooro. Mi kipizil ndemeyom pa tutu tio.
18 Niom sombe kere tomtom kuumbuŋana sa, na leleyom ambai pini mi kagaabi. Mi zin wal ta tipasaana mbulu ki ula na, kagabgaaba zin ma niomŋan kawwa.
19 Sua sananŋana mi sua pakaamŋana men ta iwedet pa kwoyom.
20 Mi kaŋgalŋgal sorok sua pizin wal tiom, mi kapasansaana toŋmatiziŋ tiom urun.
