1 Mboe ki Dabit Indeeŋe Dabit iko pa lutuunu Absalom na, itooro mboe ti O Yooba, koŋ koi bizin na, munŋaana ma munŋaana men. Tomtom iwal kat, ta timaŋga be tizooro yo mi tikam malmal pio.
2 Wal boozomen tizzo pio ta kembei: “Kere. Anutu ko irao iuuli na som. Pa ipizil ndemeene pini kek.”
3 Tamen Yooba, nu we siŋgiao pio mi poroukalkaala yo. Nu ta kam yo ma zoŋ iwe biibi. Koroŋ toro sa som. Mi nu ko pombol yo ma niŋ ise.
