11 Zin gaabaŋoŋ mi toŋmatiziŋ tio tire mete tio ti na, timbotmbot molo pio. Mi wal ta ruumu kizin igarau yo na, zin tomini tiloulou yo som.
12 Mi koŋ koi bizin na, timbuuru koŋ mi tiurur kilis kizin be tikam yo. Mazwaana ta boozomen timburmbuuru pio, mi tikamam sua pakaamŋana pio.
13 Tamen nio aŋkam ŋgar pa sua kizin som, mi aŋpekel som. Nio iŋgi kembei tomtom ta talŋaana imun ma irao ileŋ sua som. Nio kembei tomtom kwo munŋana ta irao iso sua som.
