8 Niom tomtom ta karao pa toono na, komoto Yooba mi keleŋ la kalŋaana. Niom iwal karkari kapakuri mi kopou i!
9 Pa ni iso sua men, mi saamba ma toono tipet. Iur sua mi koroŋ ta boozomen tipet ma timbot la murinmurin.
10 Zin karkari lelen iurur pa mbulu boozo tabe tikam. Tamen Yooba ikamam ma ŋgar kizin tana iurur ŋonoono som. Tana ŋgar kizin ko iwe koroŋ sorok.
11 Mi Yooba, ni mbolŋana. Tana tomtom sa irao izooro ŋgar kini na som. Sombe leleene iur pa ŋgar sa, na ŋgar tana ko imbol mi imbotmbot ma alok. Mi ŋgar ta so leleene iur pa, inako ipiyooto ŋonoono tabe imbotmbot ma alok.
12 Zin wal ta timbesmbeeze pa Yooba na, ni itunu ta ipeikat zin, mi ikam zin ma tiwe lene. Tana lelen ambai pa kampeŋana kini ta ise kizin na.
13 Yooba, ni imbotmbot saamba, mi mataana isu ma irre zin tomtom ta timbotmbot toono na.
14 Ni imbotmbot sala muriini peeze kana, mi mataana ikamam zin karkari ta boozomen.
15 Ni itunu ta iur tomtom ta boozomen lelen. Mi mbulu boozomen ta tikamam na, ni iute lup.
