2 Kapakur Yooba pa kombom! Kupun koroŋ matakiŋa mi kombo mboe be kapakuri!
3 Kombo mboe popoŋana pini. Mi kese kat kombom. Naso kepeŋgeeze mboe. Mi kalŋoyom isala ma kapakuri raama menmeen yom!
4 Pa sua ki Yooba, ina ŋonoono mi indeeŋe men. Mi uraata kini ta boozomen izzwe kembei ni itoto sua kini.
5 Ni leleene ilip pa mbulu ta ndeeŋeŋana mi ambaiŋana. Mi mbulu kini ta itoto sua kini mi iurur leleene pa wal kini, ina ni izzwe ma irao toono ta boozomen.
6 Muŋgu, Yooba iur sua men mi saamba ipet. Kwoono iso sua men, mi koroŋ ta boozomen ki saamba tipet.
7 Tai ta biibi i, ni ilup ma imbot la mbata, kembei ta tomtom tikut tai ila tai putuunu na. Mi tai ta imbot la mozo lukutuunu na, ni ikes la tai putuunu kini, mi iur lae ma imbotmbot.
8 Niom tomtom ta karao pa toono na, komoto Yooba mi keleŋ la kalŋaana. Niom iwal karkari kapakuri mi kopou i!
