14 Ni imbotmbot sala muriini peeze kana, mi mataana ikamam zin karkari ta boozomen.
15 Ni itunu ta iur tomtom ta boozomen lelen. Mi mbulu boozomen ta tikamam na, ni iute lup.
16 King sa sombe imbol se wal kini malmal kan men, nako irao som. Mi tomtom malmal kana ta mburaanaŋana i ta kembena. Sombe ipase pa itunu men, nako irao som.
17 Mi hos malmal kan tomini, sombe tomtom tiur matan pizin be tiuulu zin ma tilip pa malmal, nako tiur matan sorok. Pa hos mburan irao be ikamke zin na som.
18 Tamen zin wal ta timototo Yooba mi tileŋleŋ la kalŋaana, mi tipase pa muŋaiŋana kini ta imapmap som na, ni mataana pizin.
19 Mi ni itatkewe zin pa pataŋana kizin. Kokena timetmeete. Mi sombe peteele biibi isu, nako ipun zin som. Pa ni ko iuulu zin ma timbot matan yaryaara.
20 Tana iti tapase pa Yooba mi tuur matanda pini. Pa ni ulaaŋa kiti mi iwe siŋgiao piti.
21 Iti lelende ambai kat mi menmeen ti pini. Mi tapase pa zaana potomŋana.
22 Yooba, niam amur motoyam pu be uulu yam. Muŋaiŋana ku ko imbotmbot se tiam totomen.
