1 Mboe ki Dabit Niom bibip ki kar saamba, kapakur Yooba. Kiwit uruunu isala kor. Pa ni zaana mi mburaana biibi.
2 Kapakur Yooba, pa ni zaana biibi kat. Kuurpe ituyom ma kewe potomŋoyom, mi kelek kumbuyom pini. Pa ni potomŋana mi ndabokŋana kat.
3 Yooba kalŋaana na, mburaana biibi. Mi ila irao tai pakaana ta boozomen. Lolo ta iwenweene i, ina Anutu zaanaŋana kalŋaana tau. Tana Yooba mburaana biibi kat. Ilip pa tai.
4 Yooba kalŋaana na, mburaanaŋana. Tana iswe i kembei ni ta biibi ŋonoono.
