22 Nio ko aŋsoyaara urum pizin toŋmatiziŋ tio. Sombe wal ku tila tilup zin pa suŋŋana, nako aŋgaaba zin mi aŋwit urum.
23 Niom wal ta so komototo Yooba mi keleŋleŋ la kalŋaana na, kapakuri. Niom ta Yakop popoŋana kini na, kiwit uruunu. Niom Israel ta boozomen, komoto i.
24 Pa wal ta so timbotmbot raama pataŋana, na ni irepiili zin som, mi ipizil ndemeene pizin som. Indeeŋe nio aŋtaŋroro i na, ni ipiŋgis mataana pio som. Ileŋ tiŋiizi tio mi iuulu yo.
