1 Mboe ki Dabit Koroŋ boozomen ta timbot sala saamba a, tizzo iti pa Anutu zaana biibi. Pa koroŋ munŋaana men ta timbot sala kor a, ina ni nama muriini. Tana tizzo iti pa mburaana, ŋgar kini, azuŋka kini, mi mbulu kini ndabokŋana.
2 Aigule ta boozomen tizzo iti pini. Mi mbeŋ ta boozomen tipaute iti pini.
3 Koroŋ ta timbot sala maŋaanaŋana na, kwon be tiso sua som. Tana iti teleŋ kalŋan som.
4 Tamen sua kizin ila irao lele ta boozomen ma karkari tileŋ lup. Anutu iur zoŋ le muriini ta, tau imbot sala maŋaanaŋana na.
