8 You ka koi ta iwedet pa Anutu kuzuunu. Mi you miaana ramaki pat bayouŋan iwedet pa kwoono.
9 To ikaaga saamba, mi imbot se miiri tieene gabgapŋana ma isu.
10 Ni imbot se aŋela mbolŋana ndemeene mi irie. Miiri tieene ta ikwaari ma irie karau men.
11 Ni ike lela zugut. Miiri tieene ta izuki ma iwe kembei beeze pini be imbot lela.
12 Azuŋka biibi imuuŋgu pini mi lele ikimitmit. Mi lolo niini ramaki yaŋ pat iyotyooto pa miiri tieene kini mi izzu.
