2 Nu rre koroŋ ta boozomen. Mi nu ute: Nio tomtom ndeeŋeŋoŋ. Tana mender pio mi so zin tomtom ta kembei: Nio leŋ uunu sa isaana som.
3 Nu ute leleŋ kek. Pa mbeŋ na, mar mi tiiri yo. Nu toombo yo na, ndeeŋe mbulu sananŋana sa imbot la leleŋ som. Pa ŋgar tio imbol be kwoŋ isosor som.
4 Mi aŋkam mbulu sananŋana kembei ta zin wal pakan na som. Pa motoŋ iŋgalŋgal sua ku. Tana zin wal zigzikŋan ta tikamam zaaba pizin tomtom i, na aŋto zin pa mbulu kizin som.
