1 Mboe ki Dabit O Yooba, nio leŋ uunu sa isaana som. Tana ŋgun talŋom pa bobi tio. Leŋ tiŋiizi tio ti mi uulu yo. Pa iŋgi aŋkam pakaamŋana pa som. Aŋso kat sua raama leleŋ.
2 Nu rre koroŋ ta boozomen. Mi nu ute: Nio tomtom ndeeŋeŋoŋ. Tana mender pio mi so zin tomtom ta kembei: Nio leŋ uunu sa isaana som.
3 Nu ute leleŋ kek. Pa mbeŋ na, mar mi tiiri yo. Nu toombo yo na, ndeeŋe mbulu sananŋana sa imbot la leleŋ som. Pa ŋgar tio imbol be kwoŋ isosor som.
